Que sabes sobre o/a orientador/a? Coñeces esta figura? Sabes cal é o seu papel no centro educativo? E cales son as súas funcións? Como pode axudar ás familias? Estas e todas as dúbidas que teñas respecto da orientación escolar e do/a orientador/a poden ser respostadas o vindeiro VENRES 11 DE MARZO ás 17:00 horas no Salón de Actos do IME. Mª Laura Malvar, orientadora do IES de Poio, será a encargada de falar de "A CONTRIBUCIÓN DAS COMPETENCIAS EMOCIONAIS D@S ORIENTADOR@S: UN RETO PARA O MOMENTO ACTUAL?". Se pertences á comunidade educativa dun centro público (nai/pai, mestre/a, director/a, orientador/a, etc.) anótate no 986298812 ou en foanpas@foanpas.com

O vindeiro venres 26 de febreiro toca falar da xestión fiscal dunha ANPA. Dirixido á comunidade educativa dos centros de infantil, primaria e secundaria dos centros de ensino público. Dende as 16:30, Jaime Aneiros, profesor da UVigo, dará conta de todas as dúbidas que temos. Anotádevos!!

O pasado mércores vivimos unha xornada emotiva pero chea de forza. Quedou claro que o cancro é unha enfermidade á que hai que plantar cara e da que hai que falar abertamente, xa que ten repercusións para a persoa doente e para as persoas que están no seu entorno. Quedamos coa mensaxe dada por un rapaz de 13 anos: "Se eres positivo/a podes tirar para adiante".

O vindeiro 3 de febreiro ás 18:00 horas no Salón de Actos do IME teremos unha charla para a comunidade educativa dos centros de ensino público: "CANCRO, LECCIÓN DE VIDA". Esta doenza afecta non só ás persoas ás que se lle diagnostica senón que tamén ten repercusión nas persoas do seu entorno. Como afrontar a doenza? Como explicarlle aos/ás nenos/as o que sucede? Por que falta alguén cercano? Beatriz Figueroa tentará respostar a todas estas cuestións dende a súa vivencia persoal. ACTIVIDADE CON INSCRICIÓN PREVIA.

Mañá 22 de xaneiro ás 20 horas no Auditorio Municipal do Areal interesante charla: "O bullying, a dolorosa realidade do acoso escolar".

CONCENTRACIÓN CONTRA A HOMOFOBIA, A TRANSFOBIA E A DISCRIMINACIÓN.

Onte xuntámonos no Marco para berrar contra a homofobia, a transfobia e toda discriminación e para reivindicar unha escola inclusiva que garanta o benestar de todos os nenos e todas as nenas. Nesta loita todos e todas sumamos, todos e todas temos moito que dicir, todos e todas temos moito que facer.
Grazas a todas as persoas que nos acompañaron no emotivo acto de onte: representantes dos partidos políticos, asociacións e entidades, medios de comunicación, persoas implicadas e a todos e todas os que vos achegastes e a todos e todas os que pararon na rúa ao vernos alí.
GRAZAS!!!

(Nova relacionada no Faro de Vigo)

CONTRA A HOMOFOBIA, A TRANSFOBIA E A DISCRIMINACIÓN

Concentración contra a homofobia, a transfobia e todo tipo de discriminación. Por unha escola inclusiva que garanta o benestar de todos os nenos e de todas as nenas.
14 de xaneiro ás 20:00 horas no Marco.